Ռեկտորի հանդիպումը արտասահմանցի ուսանողների հետ

Կայացավ Երևանի Մխիթար Հերացու անվան պետական բժշկական համալսարանի ռեկտոր, պրոֆեսոր Դերենիկ Դումանյանի հերթական հանդիպումը արտասահմանցի ուսանողների հետ:

Հանդիպման ընթացքում ուսանողները ռեկտորից հանգամանալից պարզաբանումներ ստացան իրենց հետաքրքրող բազմաթիվ հարցերի վերաբերյալ:

Թե´ կրթական գործընթացներին, թե´ կենցաղային խնդիրներին առնչվող հարցերը թեև շատ էին, սակայն իրենց բնույթով վկայում էին այն մասին, որ համալսարանում սովորող արտասահմանցի ուսանողները լուրջ մտահոգություններ կամ դժգոհություններ չունեն:

Բարձրացված այն հարցերի առիթով, որոնց հնարավոր չէր տեղում պատասխանել, ռեկտորը համապատասխան ծառայությունների ղեկավարներին հանձնարարեց ուսումնասիրել դրանք և անհրաժեշտ լուծումներ տալ:

Հանդիպման ընթացքում արտասահմանցի ուսանողներին ևս մեկ անգամ ներկայացվեցին իրենց իրավունքները, ինչպես նաև ուսման ընթացքում համալսարանի կողմից ներկայացվող պարտականությունները:

Հարցեր, պատասխաններ, մեկնաբանություններ